Arte di Palabra ta un competencia cu a inicia na Corsou. Despues di algun aña, ora cu Corsou a haci nan di 10 edicion, nan a acerca tambe Aruba y Boneiro pa tambe organisa Arte di palabra, segun Julie Merencia, lider di proyecto Arte di Palabra.
Aruba a cumpli su di 10 edicion, cual a celebra dia 3 di Maart na Aruba y awor aki ta bay tin e final di Arte di Palabra cu ta tur e ganadonan di Boneiro, Corsou y Aruba.
Edad
Arte di Palabra ta un competencia di poesia y cuenta cortico pa scolnan secundario. Bo ta haya hobennan for di 1ste klas te cu 6de klas VWO of MBO 1ste y 2de. Edad ta varia entre 12 y 22 aña mas of menos, segun Merencia.
Hobennan participante
Merencia a sigui splica cu lo bay tin 15 participante di Aruba. Ta bay tin 11 di Corsou y 11 di Boneiro. Tin un total di 41 ora, pasobra tin hoben cu ta participa tanto den poesia como cuenta cortico.
Categoria
Lo bay saca seis ganado. Ta bay tin seis categoria. Di cada categoria lo saca tres finalista y esnan cu sali na prome luga, den e seis categorianan ta esnan cu lo bay e intercambio cu lo bay tin na Corsou den Mei.
Arte di Palabra na Aruba
Arte di Palabra na Aruba lo tuma luga dia14 di April, cual ta diasabra awo den Cas di Cultura pa 3’or di atardi. Entrada ta gratis. Djis yega Cas di Cultura cu henter e famia pa bin presencia e obranan. Bin tempran pa haya un luga di sinta.
