Diasabra di november ‘20 Santo Eucaristia ta cuminsa pa 7 or di mainta. Pa 6.20 ta resa Santo Rosario “Misterio Gososo”, despues ta resa Salve Regina.
Con nos ta haya Indulgencia Plenaria. Prome ta confesa cerca un pastoor. Ta tene abstinencia y haci obra di caridad. Ta asisti 5 prome diasabra di luna na Santa Eucaristia. Mama Maria a bisa na Fatima na e tres wardadornan, “Tene abstinencia y haci obranan di caridad pa haya Indulgencia Plenaria”. Ora di bay Alto Vista awasero por sorprende e fielnan, p’esey ta pidi a bini cu un regenjas of paraplu si acaso haya un bendicion pa naturalesa.
Ta pidi fielnan resa pa necesidad di Iglesia Universal, pa Papa Francisco, Obispo Luis Secco, tur sacerdotenan y diacononan. Pa Gobernantenan y tur cu ta carga responsabilidad pa nos pais Aruba. Ta pidi tambe pa resa pa enfermonan, esnan desobedencia, pa mamanan cu ta tristo pa un yiu stima cu a cay den mal caminda. Hopi cu no tin trabou, pa esnan cu ta preocupa con ta bin cla cu e placa cu nan a haya. Dios manda pa tur esnan den necesidad spiritual y economico solucion pa nan por biba den trankilidad. Pa enfermonan na cas, den hospital y den exterior, cu poder di Dios nan haya pronto recuperacion, specialmente pa no lubida esnan cu ta traha den Cuido,.
