Diamars awo dia 7 di Augustus 2018, lo tuma luga e ceremonia oficial di transicion di mando na e Presidente di Colombia, Ivan Duque, pa e periodo constitucional 2018-2022.
Duque, eligi como Presidente di Colombia, a gana e ultimo eleccion cu 99.67% di e votonan, convirtiendo asina e sucesor di Juan Manuel Santos.
Ken ta Ivan Duque?
Ivan Duque Marquez ta yiu homber di e politicologo Juliana Marquez Tono y di e abogado Ivan Duque Escobar (1937-2016), kende tabata Gobernador di Antioquia entre 1981 y 1982, ex Minister di Minas y Energia, tata di Luciana, Matias y Eloisa. Ruman di Andres y mita ruman di Maria Paula Duque Samper, casa di e periodista Nestor Morales. El a cuminsa su carera profesional na 1999 como consultant na CAF – Banco de Desarollo de America Latina, despues cu el a fungi como asesor pa e Ministerio di Hacienda di Colombia durante e Gobierno di Andres Pastrana. Prome cu esey, entre 2001 y te cu 2013 el a traha na Banco Interamericano de Desarollo (BID) como consehero principal pa Colombia, Peru y Ecuador, e corporacion financiero di Inversionnan IIC y e Fondo Multilateral di Inversionnan di grupo BID y tabata hefe di e division di Cultura, Creatividad y Solidaridad.
Duque a fungi como asesor internacional di e ex Presidente Alvaro Uribe Velez, dedica na defensa di democracia y promocion di Colombia den exterior. Entre 2010 y 2011 e tabata asesor di e Organisacion di Macionnan Uni.
Fuera di esey, e ta autor di e bukinan Maquiavelo en Colombia, El fruto esta en el centro, IndignAccion y coautor di e buki El Efecto Naranja.
E tabata columnista di e corant Portafolio di e cas editorial El Tiempo na Colombia.
Reino Hulandes presente na instalacionnan Presidencial
Reino Hulandes sin duda ta participa na e ceremonia oficial aki. A scoge e Prome Minister di Corsou pa representa Reino Hulandes e biaha aki na e ceremonia. E lo ta compaña pa e Embahador di Reino Hulandes na Bogota, na e ceremonia oficial.
Eventonan oficial riba e dia
Durante e dia aki, lo bay tin varios evento y actonan oficial, unda cu miembronan di prensa local y internacional lo tey presente, entre otro 24ora.com, cu tambe lo ta presente. E toma di posesion mes lo tuma luga na Plaza Bolivar den oranan di merdia.
Na Casa de Nariño lo tin un recepcion hunto cu e Hefenan di Estado.
E eventonan aki lo ta transmiti pa medionan di comunicacion for di rond mundo
