Durante weekend atardi pa 4’or y 45, team di aresto a detene e sospechoso R.C.S.B. naci na Colombia, di 42 aña den Koningstraat. Ta asina cu e persona aki ta ser sospecha di varios atraco riba negoshi. Atraco Team a traha dia y nochi y a bay over na pidi pa su detencion y awe tardi esaki a tuma luga. Na momento cu team di aresto a topa cu e sospechoso e tabata tin dos persona hunto cun’e. E sospechoso tabata traha tambe como taxi pirata. E dos personanan wordo deteni tambe, pero despues nan a ser laga den libertad. Atraco team a bay na un cas situa na Montaña na unda e sospechoso ta biba y a haci un buskeda den e cas. A usa cacho di unidad canino (K-9) pa efectua esaki.
Atraco team ta keda traha pa asina resolve loke ta e atraconan. Crimen no ta paga paso bo lo bo ser gara tardi of tempran.
Cuerpo Policial ta pidi pueblo pa keda yama tiplijn 11141 y laga bo informacion of haci bo denuncia. Bo anonimidad ta garantisa.
