Diadomingo alrededor di 12:20 am a sosode un accidente na Jamanota den cual tres auto tabata envolvi. Ta trata aki di un un Nissan color shinishi nr A-42938, Volkswagen nr A- 23989 y tambe un Nissan Versa.
E Nissan Versa a hera bay dal frontal riba un di nan, e chauffeur a purba hala pero no a logra. A detene un hende muhe na sitio, pasobra e lo a bira basta agresivo. El a bay purba morde un di e personanan y kier a bringa na sitio. Mesora polis a deten’e y a transport’e pa warda di polis. Daño material tabata basta significante pa ambos Nissan. Tabata sospecha cu e detenido femenino tabata bou influencia di alcohol.
