Diasabra atardi a sosode un accidente riba e caminda di Sero Janchi. Chauffeur di un stationwagen marca Nissan color blanco a perde control y dal contra di un baranca. E auto a keda completamente destrui. E chauffeur a ricibi basta sla na su cara. Na yegada di polis, testigo a conta e polisnan cu e chauffeur herida a cana bay na pia y laga e auto atras.
Ambulance hunto cu polis a busca den e area pa wak si ta topa cu e supuesto chauffeur herida pero sin resultado. No a dura mucho cu polis a topa cu e chauffeur den e area cu boter di “night rain” den su man.
A bay over mesora n’e proceso di detencion. A bay cu e chauffeur pa warda caminda lo present’e dilanti un subfiscal. E auto no tin ningun documento valido tampoco.
