Dialuna anochi alrededor di 8:15 pm a tuma luga un caso di ladronicia na un hotel riba low rise. Aki ta caminda cu miembro di siguridad di e hotel a mira tres hoben ta horta cos for di un bar den e hotel djey core bay riba bais.
Mesora polis a cuminsa busca den e area, mientras cu otro patruya a bay pa e hotel. Polis di Playa a logra topa cu e tres hobennan cu ta cuadra cu descripcion den Frankrijkstraat. E hobennan a horta varios producto cu ta uza pa traha mix drinks. Den e proceso di interogacion, polis a haya un bleki di producto cu ta uza pa traha mix drinks.
Durante cu tabata tuma dato di e sospechosonan, un di nan a admiti cu el a gaña su nomber. Di biaha a bay over na deten’e, mirando cu ta contra ley pa indentifica bo mes cu un nomber falso. Pues, tur tres deteni sospecha di ladronicia y un di nan adicional tin e cargo cu a duna nomber falso.