Manera conoci cu for di comienso cu Gobierno a cuminsa implementa Shelter in Place y Toque de Queda, cu un grupo di hende hoben a cuminsa rebeldia contra autoridad y a cende candelanan na De Vuyst y ora Polis a bin, a yobe nan cu baranca.
Polis mester a retira e ora ey pa nan por a regresa despues na un manera miho organisa pa asina cu man duro planta respet y pone tur obedece e Toque de Queda. Aki e prome detencion a tuma luga.
Esaki no a cay den bon tera cerca e grupo y a cuminsa cu candela entre otro na Sint Maartenstraat den Village na San Nicolaas. Ora bombero a bin pa paga e candela, e grupo consistiendo di algun hende di village y di otro bario, a bombardia e truck di bombero cu baranca, te cu bomberonan a haya nan mes ta hala atras. Den e tiramento di baranca hasta daño a wordo cometi na e truck di bombero cu te ainda nos no a tende ken lo para responsabel pa cubri e gastonan di e daño na e truck di bombero.
Un denuncia oficial a wordo haci na Polis y aki e investigacion a cuminsa cana. Den curso di tempo varios detencion a wordo haci y awe e di 12 detencion di e caso aki a cay. Y ainda tin mas hende cu mester wordo deteni.
Laga esaki ta un mensahe cla y raspa pa tur esnan cu ta tribi di pensa di rebeldia contra autoridad y causa destruccion.
