Pa algun dia caba, diferente chauffeur a tuma contacto cu nos mesa di redaccion pa asina comparti nan disgusto y mas cu claro nan preocupacion pa locual ta trata e mal estado, cu hopi di e careteranan di Aruba ta na e momentonan aki.
Hopi di nan den gasto cuantioso pa asina por drecha taira y/of parti di nan vehiculo cu a ricibi un of otro daño debi na e mal estado cu nos careteranan. Buraco tur caminda y hopi chauffeur no ta percata na tempo y ta cay den nan. Basta taira gepak y comunidad rabia.
Diahuebs mainta a habri cu personal di DOW den accion. Nan a presenta den Hendrikstraat, caminda un sin fin di auto a pasa den un buraco grandi, algun te hasta a kap taira.
No a tarda mucho si cu a manda hende pa drecha e situacion. Nan a yega mesora y tapa e buraco, no solamente den e caya aki pero algun caya mas cu tambe tabata tin mester di reparacion. E grito di auxilio a yuda y solucion a yega.
