Diasabra alrededor di 9or y 15 un auto di huur marca Jeep modelo Wrangler a accidenta den un Hyundai Getz na altura di rotonde di airport. E turista den e auto di huur a conta cu nan tabata bayendo bek pa hotel. El a acepta cu e ta fout, door di subi rotonde sin paga tino.
E otro partido no tabatin ningun papel di e auto, pues seguro, number, keur y rijbewijs a haci falta. A detene djey a transport’e pa wad’i polis, mientras cu a lag’e auto para band’i caminda. Un rato despues Atraco Team a presenta y wak rond y paden di e auto. Parce cu nan tabata tin bista riba e auto. A confisca e auto y bay cu ne pendiente investigacion.
