ATCO Concrete Products tin su Paver Clearance Sale cu ta cuminsa desde dia 26 di november y lo continua tanten cu tin den stock.
Segun Geraldine Oduber di departamento di benta y mercadeo, benta lo ta na ATCO Concrete na Barcadera, unda cu lo ta ofreciendo diferente descuento te cu 50% riba nan Old Stock Paver palet di 5, 6 y 8 centimeter.
Entrega lo ta completamente gratis. E ta inclui, pero si loke tin cu tene na cuenta cu e entrega mester tuma luga e aña aki.
Loke ta importante pa indica loke ta referi na dje di Old Stock Paver, ta palet cu tin un tempo caba den nan ‘yard’ of palet cu por ehempel e colo a sali diferente cu e colonan regular, etc., of no ta bunita poni riba otro, unda cu lo tin e clearance sale cu a cuminsa desde dia 26 di november, pa asina tambe crea espacio den nan yard pa produccion di paver nobo.
Model di Old Stock Paver cu tin disponibel durante di e clearance sale ta diferente. Di 8 centimeter por pensa riba model bishop of hexagon. Tambe tin algun palet di diamond. Tambe tin algun palet di 6 centimeter cu ta 3-in-one y diferente otro model y colo disponibel cu por scoge di dje, obviamente tanten cu tin den stock cu ta forma parti di Old Stock Paver.
Nan tin tambe nan liña di produccion regular di paver, cual ta obtenibel na ATCO Concrete Products.
Ta importante pa sa cua area e cliente lo kier cubri cu paver. Si ta por ehempel un parkeerplaats, of un ‘driveway’ ta un poco diferente si kier pone paver patras di cas den e patio. Esey ta pa cumpra e paver corecto pa loke tin mester di dje.
Manera cu Oduber a menciona anteriormente, e Paver Clearance Sale, ta cuminsa dia 26 di november y lo sigui den e siguiente dianan, tanten cu tin den stock. Tambe nan tin nan otro productonan disponibel cu ta nan Ready Mix Concrete, cu si kier basha e fundeshi, vloer, ringbalk, unicamente por haci esaki cu ATCO di dialuna pa diabierna y awo tambe por basha esaki riba diasabra tambe.
Oficina di benta na Shaba tambe ta habri riba diasabra, di 8:00 am te cu 12:00 pm, si en caso cu durante siman no logra pasa of comunica, sigur por tin e oportunidad pa pasa bishita ATCO na Shaba. Pero si mester tene na cuenta cu e Clearance Paver Sale ta unicamente na Barcadera.
