Deportivo Nacional a bons bek cu victoria na Caribbean Club Shield

Despues di un derota convincente den e inauguracion  di nan participacion den Concacaf Caribbean Club Shield na Santiago, Republica Dominicana, Deportivo Nacional di Aruba a sa di bons bek cu un victoria convincente di 2-0 den nan di dos wega di grupo A den Estadio Cibao, e biaha aki contra e actual campeon di Guadeloupe, Unite Sportive Sainte-Rosienne.
Golnan di e campeon di Aruba a wordo anota pa e goleadornan Kenroy Ranger na minuut 16 y Devis Oliveros na minuut 45. Nacional tin awo 3 punto, empata cu e mesun Sainte-Rosienne den puntaje pero cu menos diferencia di gol (-3) pa keda den di tres luga riba tabla cu un wega mas pa bay, cu lo ta contra e sotaneronan Weymouth Wales di Barbados Diamars 17 di April pa 2or di atardi na stadion di Universidad ISA na Santiago de los Caballeros mes.
Sainte-Rosienne mes lo hunga contra e invictonan di e grupo, Inter Moengotapoe di Surinam. E clasificacion di cuater ekipo pa semi-final entre e tres gruponan (A,B y C) lo depende di e miho ganado di grupo cu lo hunga contra e miho di dos luga di e tres gruponan, e di dos wega di semi-final lo ta entre e di dos miho ganado di grupo contra e miho di tres ganado di grupo, Diahuebs dia 19 di April. Den grupo B ta participando Real Rincon di Boneiro y den grupo C, Centro Dominguito di Korsou.