Departamento di Impuesto ta cuminsa brinda servicio na MFA Santa Cruz entrante dialuna awor dia 29 di oktober
Despues di varios dia di preparacion, dialuna awor dia 29 di oktober, Departamento di Impuesto ta cla pa cuminsa brinda servicio den su oficina nobo situa na MFA Santa Cruz.
E oficina di Departamento di Impuesto ta ubica na di dos piso, balie number 6 y 7. Aki clientenan por haci pago di cualkier tipo di impuesto, registra vehiculo di motor y paga permiso di DIMAS. Alabes por entrega declaracion di loonbelasting, BBO etc. na momento di haci e pago concerni.
Departamento di Impuesto ta yama e clientenan di Santa Cruz y vecindario bonbini y ta felicita gobierno y comunidad en general cu e bunita edificio aki.
