Diaranson 17 di mei ta cuminsa na Van Engelen Ballpark e di 37 Copa ABCS.
E torneo di softball aki a cuminsa nan aña 1984, y tur aña un di e islanan participante ta organis’e. Na aña 2020, 2021 y 2022 tabata tin un interupcion causa dor di COVID.
Despues di 7 aña atrobe ta toca turno na Corsou pa organisa e magno evento aki cu ta conta cu participacion di tres team di Aruba, cualnan ta Happy Brothers, Crush Power & Redskins, tres team di Bonaire La Sonrisa, Energizer & The Crushers, cuater team di Corsou cualnan ta Terremoto, Cicoza, Dream Thrillers & Swift y dos team di St. Maarten, cual ta Controllers & Superstars
Ta considera e torneo aki ta como e World Series di softball slowpitch entre e miho ekiponan di e islanan ya menciona. Manera custumber Van Engelen Ballpark ta garantisa pa un bon ambiente.
Nos ta spera tur fanatico di Softball Slowpitch bin anima nan ekipo faborito y pasa un rato agradabel mirando wega nan di bon nivel.
