Despues di un sesion maratonico manera ta custumber y cu dinamica cu tambe ta di spera, a tuma luga diahuebs e reunion publico pa tratamento di e Landsverordening Instelling Ministeries.
Den transcurso a bin tres mocion mas acerca, dos di oposicion (AVP, MAS y Accion 21) y un di Raiz. E votacion y resultado no tabata ningun sorpresa, pues mocionnan di coalicion a aproba, mientras cu esunnan di oposicion no y e ley mes di LIM tambe a aproba cu e sosten di fraccionnan den coalicion.