Diabierna anochi polis a bay na Pova Club pa atende c’un homber betra y fastioso. E tabata riba un paranda for di trempan. El a bebe asina hopi cu el a cuminsa bira fastioso cu e hendenan den bar. Apart cu Pova Club ta e centro di reunion di polis, tin un bar cu publico por bishita tambe, di cual mayoria biaha sa tin polis ta topa otro eyden.
E homber su fandanga den Pova no a dura mucho. Ta dos yamada nan a haci y polis a presenta y deten’e. E no tabata contento cu presencia di polis y hasta tabata dirigi palabra di insulto den nan direccion.
Cu boei na man a hib’e na warda caminda a present’e dilanti un subfiscal, kende lo dicidi riba su encarcelacion. Tin tur indicacion cu e lo pasa por lo menos ocho ora tras di tralie.
