Tur aña riba invitacion di e representante mas halto di baseball Little League Latin Americano, Sr. Carlos Pagan, Aruba Little League hunto cu su DA den e casdo aki, Sr. Rhudy Donata ta atende e congreso anual di Little League Latino Americano y del Caribe cu e aña aki ta ser teni na nos isla ruman Corsou.
Durante di e congreso ta evalua e desaroyo di baseball Little League den e area di Latino America y Caribe. Mester bisa cu mayoria paisnan miembro ta atende e congreso unda conhuntamente ta trece cambio den e reglanan esaki na bienestar di e baseball infantil y hubenil den nos continente y region. Na comienso di e aña aki, District Administrator, Rhudy Donata a atende congreso di baseball Little League mundial na New Orleans, Merca unda durante di e Congreso Internacional aki a evalua e programa di baseball y softball hubenil organisa pa e organisacion di baseball/softball mas grandi na mundo cu ta Little League Internacional.
Un bunita momento durante di e Congreso Latino Americano e aña aki tabata e homenahe cu Aruba Little League a ricibi na honor di e baluarte y legendario personahe den e mundo di baseball Little League Arubano, sr. Braulio Wester, awe den feliz memoria. Pa mas di 60 aña, sr. Braulio Wester tabata dirigente di Aruba Center League y a dedica su bida na formacion di nos hobennan den e mundo di baseball.
Un danki sigur na Lotto, e Loteria di Aruba pa medio di Stichting Sportsubsidie Aruba cu a subsidia e biahe di Aruba Little League pa e atende e congreso Anual Latino Americano y del Caribe na Willemstad, Corsou.
Cumprando weganan di Lotto, e Loteria di Aruba manera Catochi, 1-Off, Big 4, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y weganan di Raspa bo ta contribui na deporte ribanos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
