Dechi Bislip ta un di e piscadonan cu a participa den un reunion cu a wordo yama na ultima ora ayera, unda cu mas di 200 piscado tabata presente.
Minister tambe tabata tey. Bislip a splica cu ta tende el a haya tende di e diferente cambionan cu lo bay bin, pero no a haya nada riba papel. El a bay Raad van Advies y ora e ta cla ta manda bisa cu esaki ta e ley. Bo kier of no, el a enfatisa. Asina tur gobierno ta traha. Dechi no tabata sa cu pisca un djampou ta contra ley. Nan a celebra un 18 di Maart, pero Minister Otmar Oduber a splica cu nan por a par’e, pasobra pisca un djampou ta contra ley. Ta di esey e piscadonan ta biba cun’e, 20 of 30 kilo di djampou. Pa bo caba cu un pisca, mester tin pesca profesional.
Pero ta cu un cos chikito nan ta sali cun’e cerca di tera y ta busca su 20 pa 30 kilo di pisca, pa bo biba. No pa bira miyonario, cumpra auto nobo, sino pa biba y cria bo famia.
Ta necesario e cambio?
Bislip a splica cu nan ta sinti nan mes incomodo, pero nan mes no sa ki cambio e ta mirando cu e no ta riba papel. Ora cu documenta esaki, e ora nan lo sa ta ki cambio lo bay tin pasobra nan mes no sa kico ta pasando. Ta ora cu e ley pasa, e ora ta haya e documento y bisa kico ta e ley, gusta of laga, pasobra asina gobiernonan ta traha.
Piscado veterano
Bislip tin 69 aña y a lanta den un famia piscado. E tin masha hopi aña ta piscando, riba 50. No solamente e ta pisca, sino e ta sambuya tambe.
E ta core den famia
Bislip ta haya pica pa su yiunan pasobra el a inverti den varios material di pesca, manera cumpra boto, cumpra demas cosnan pa nan bay pisca. Awo cu a kita djampou, kita cora, b’a caba cu nan. No mag di bay tera coy un picuda.
Tiramento di pisca
A priminti hopi biaha cu lo bay bin bek cu piscamento cu harpoen. Bislip a splica cu politiconan ta gaña. Ya nos ta den 8 di luna y ainda nada di piscamento cu harpoen. Nan no a ni corda cu nan a priminti cu tiramento di pisca lo bin aden. Con bo ta bay pone tiramento di pisca y a pone full rond di Aruba of tanto parti unda cu ta tira pisca, cu no por bay. Unda bo ta bay tira. Bislip a tira semper, pero den awa na Venezuela. Pero si nan hay’e tambe, nan lo bay cun’e. Awo ta pio pasobra tin pirata na cantidad, el a splica por ultimo.
