Locual DBZ ta haci ta control den San Nicolas y Playa hunto cu slachtofferhulp di Polis, debi cu nan conoce e hendenan.
Nan no kier bay cu Polis uniforma pa motibo cu como salud publico no kier spanta hende segun Sharline Koolman di DBZ. Kier bin DVG pa haci e testnan, papia cu nan, splicanan e situacion. Locual cu a haci e aña aki caba pa tres biaha, a subi caya, hunto cu Slachtofferhulp, nan ta busca e hendenan y ta sinta den un camber den un di e barnan y ta papia cu nan. Asina ta purba di haci’e. Problema si ta, cu e hendenan aki yega como turista y kisas e siman aki nan tey y otro siman nan no tey mas.
Un otro persona ta bin. Eigenlijk bo ta purba gara of duna informacion na un grupo, pero ya aki dos pa tres siman, e grupo ey no tey mas. El a cambia. Dado momento DVG por keda saca e informacion, bay eynan, siendo cu no tin man pa sigui mas. E ta bay mas bien awor aki cu e parti ilegal y ta stress realmente riba dje cu ta wak’e un biaha e parti di prostitucion, esta e dama, of e homber, pasobra cu esey tambe ta sosode. Ta keda na abo si bo ta cumpra e servicio ey, sabiendo di e riesgo cu bo ta hincando bo mes den dje. Ta mescos cu bo ta bay cumpra un producto. Si no ta di acuerdo cu e producto, ta prefera di bay cumpra un otro caminda. Esaki basicamente ta mesun cos. E ta un producto cu ta wordo ofreci y bo ta bay den un cas, caminda cu bo sa cu e ta ilegal, pasobra prostitucion no ta legal. Of bo ta bay den un bar caminda cu bo sa cu e hendenan aki ta controla. No sa si ta bay paga tiki mas of no. Pero en todo caso sa cu eynan cu e producto cu ta bay haya, ta di un otro calidad. Ta keda na e cliente ki servicio bo kier tuma.
Tin biaha ta wak solamente e prostituta, esun cu ta duna e servicio. Pero tin cu wak tambe esun cu ta busca e servicio tambe.
Traficacion di hende
Tin manera cu Polis tambe ta atende nan parti. Pa ley prostitucion ilegal ta castigabel. Tin e parti di mensenhandel den prostitucion. Akinan ta un taskforce ta cay bao di e polis. E ta algo basta comun y grupo di riesgo grandi. E mes ta aden tambe hunto cu mas departamento segun Sharline Koolman. Por ehempel si bin un prostituta cerca nan, legal of ilegal, tur hende por bin pa haci nan testnan, apart di e animeermeisjesnan, un hende cu cana kibra, ta haci e testnan p’e. Si e ta un turista mes y e ta ofreciendo e servicio, ta yega eynan, ta check’e. DBZ ta papiac u e hendenan aki y si ripara den e combersacion, cu tin cierto cosnan cu e persona ta bisa cu ta touch mensenhandel, e ora ta tuma contacto e ora cu e taskforce. For di eynan, ta geef door cu a haya cierto informacionnan cu no ta sinti bon y nan ta sigui cu e investigacion.
Si despues di un tempo ta ripara cu no tabata nada, por lo menos bo a geef door y e investigacion por cuminsa. E por conta pa DBZ, pero e por conta pa tur hende eyfo.
Tin biaha ta wak e prostituta so, pero e persona cu ta trece nan, e pooier por ta un hende cu ta abusa tambe, den e sentido cu tin’e bao di cierto menasa. Por ta e persona no kier haci e trabao ey, pero e ta wordo forsa pa haci’e. Por mir’e masha hopi mes na Europa y tambe Latino America. No ta descarta nos islanan cu no por haya tipo di cosnan ey.
E prostituta dado momento ta haci e trabao ey pa un motibo. Si ta financiero of ta wordo menasa, ora papia cu nan, ta purba di saca si e ta haciendo esaki boluntariamente of no ta haciendo esaki contra di su boluntad.
