Diadomingo atardi a yega un team Canades masculino pa hunga softball contra team di Aruba. Nan lo tene dos wega di exhibicion y despues desde diahuebs te cu diadomingo nan ta competi contra e teamnan di Aruba.
Dave Clark, coordinador di team, a splica pa nan como hungado di 50+ aña ta un soño cu a bira realidad pa por representa Canada, specialmente na Aruba, e pais anfitrion. E ta gradici dje invitacion cu nan a haya pa bin hunga na Aruba. Pa Clark esaki ta prome bes cu e ta bin hunga na Aruba y forma parti di e team, cu a bin hunga aki algun biaha caba. Den e team tin hungado cu a yega di hunga na Aruba y awo ta regresa.
Earl Sutterland, kende ta naci na Aruba pero ta biba desde hoben na Canada, ta e persona cu ta bin cu e team desde 2012. Cada aña e ta trece team masculino pa competi, incluso el a yega di trece team femenino, cual e biaha aki lo competi na Boneiro na final di april. Clark ta haya cu esaki ta un gran oportunidad pa nan y p’esey e ta gradici pa e bonbini, y tambe ta emociona pa hunga aki.
E team ta consisti di diestres hungado, y ta lamenta cu un di nan hungado a fayece. Nan lo recorda su number 62 y ta bay honr’e mientras nan ta aki. E diestres hungadonan ta cla pa competi.
Pa mas lesa TREMPAN.COM.
