Diaranson anochi a tuma luga reunion entre minister Ursell Arends, hunto cu un grupo di propietario di tireshop, rib’e tema di taira.Darall Erasmus, propietario di Jay’s Tire Shop, a comenta cu a sinta cu e minister pa mira e situacion rib’e tairanan cu tin di hiba dump.
Tin di compronde cu despues di un reunion basta largo, toch e decision a cay cu e prijs lo keda 190 florin pa ton, pa loke ta taira. Esaki sigur lo tin un efecto riba loke ta e prijs cu e companianan tin cobra e consumidor.Erasmus a splica, mirando e situacion actual na Aruba, awa lo subi, coriente lo subi, echo cu el a trece dilanti cerc’e minister.
Aworaki tin un peso mas riba pueblo cu pa tira taira afo, nan tin di paga tambe un suma. Dia 22 di juli ultimo, minister Ursell Arends a bisa cu entrante dia 22 di augustus awo, e tairanan mester ta tira na Ecotech y no a dump.
Prijs tabata 240 florin. Aña pasa tabata paga 10 pa 15 florin pa ton, djey 60 florin pa ton, y awo ta 240. Siman pasa a sinta cu algun stakeholder y awo diripiente e ta 180 pa ton.
