Un homber cu tabata stuur un Yaris awe ta na bida danki na polis. Polis a haya yamada di un auto kibra pariba di e cura di aeropuerto den e birada skerpi. Esaki pasa di 1:00 am. Polis a yega mesora y ta topa cu un homber drumi riba caminda den su mesun saca.
E tabata asina burachi cu el a saca y drumi den dje. E auto tabata kibra para memey di caminda. Unda exactamente el a kibra e auto no ta conoci. E forma cu polis a haya e homber drumi ta motibo pa e gradici polis cu e ta na bida awe.
Polis a acerc’e mesora y lant’e. El a logra para riba pia pero e tabata tur turdi. Pa evita cu ta detene y pa su propio siguridad, a dicidi di busca un transporte policial y asina hib’e su cas. Polis a hala e auto un banda y cer’e na lock pa asina mainta of ora e haya un chens e doño pasa busc’e. El a splica cu ta auto di su mama. Polis a zorg pa e yega cas den e transporte policial sano y salvo.
