Esaki ta di 13 biaha cu Toyota ta organisa e competencia aki y Garage Cordia Aruba cu placer ta brinda oportunidad na muchanan di Aruba pa nan tambe por participa. “E ta un forma pa nos muchanan competi riba creatividad pero na nivel mundial”, asina Danilo Werleman, CEO di Garage Cordia Aruba a vocifera.
Te cu dia 15 di Maart 2019, Garage Cordia tin su “Toyota Dream Car Art Contest”, cu ta componi pa e Concurso Nacional y e Concurso Mundial. E “Concurso Nacional”, lo tuma luga den cada pais participante te cu Maart 2019. E ganadonan di e concurso lo participa como representantenan di nan propio pais den e “Concurso Mundial”, cu lo tuma luga na Hapon na Augustus 2019.
Pa mas destaye y e historia di e competencia aki, subi libremente riba e website global di Toyota: http://www.toyota-global/events/dream_car_art_contest/ of tambe por bay riba e website https://www.toyotaaruba.com/ pa mas informacion.
