Algo sumamente delicado/ alarmante a tuma luga diaranson mainta pa un dama manehando su auto den area di Meiveld. Mientras e tabata maneha, e dama a tuma nota di un vehiculo cu tabata persiguie. Ora e la pone miho atencion a percata cu tabata trata di su ex pareha.
Mes ora e la tuma contacto cu polis pa asina avisa nan cu e ta den peliger y si nan por bin asisti’e. Tur cos tumando luga mientras cu e ta manehando ainda direccion su cas, su ex pareha ainda su tras den auto. Na momento cu ela yega su cas e patruya di polis tambe a yega y a preveni cualkier intencion cu e ex pareha lo tabata tin. E ex pareha lo a bandona sitio prome cu a yega e cas.
Polis a conseha e dama pa pone un denuncia, cual e dama a bisa di a pone caba contra su ex pareha. Den un caso asina lo ta consehabel tambe busca un “Restraining Order” pa asina re-enforsa e denuncia si acaso e purba di acerca su persona un biaha mas.
Di importancia na tur esnan cu di un of otro motibo ta sinti nan den un peliger asina aki pa tuma contacto cu instancianan concerni pa evita confrontacion/ abuso of actonan mas grave. Keda semper alerta cu situacionnan di acoso y yama polis mes ora cu tey pa asisti e comunidad.
