Diadomingo mainta, algo pasa di 10:20, polis di Noord a bay Sero Janchi, caminda cu un chauffeur lo a drenta cu su auto den mondi.
Eynan nan ta bin topa cu un Chevrolet Spark, hinca mey mey di cadushi. Mientras cu polis a bay check si e dama chauffeur tabata ok, el a conta polis cu pa un motibo of otro, el a perde control riba stuur y a drenta mondi. Por a nota cu a pasa un dolor di cabes pa yega na e auto, mirando cu cadushi ta algo cu ta dificil pa pasa door, pero toch e dama a logra sali for di e auto. Takelwagen a presenta pa asina percura pa saca e auto for di e mondi.
