Diabierna anochi alrededor di 10:30 pm a sosode un accidente cu basta daño material. E accidente a sosode un poco mas paseit di Teng Sing Supermarket na Tanki Flip direccion pa Ponton. Ta entre un Ford Edge y un Kia Sportage, ambos ta color cora. E Kia tabata bayendo direccion paseit y Ford direccion nort. E Ford su wiel dilanti a kita for di e auto y bay para algun meter leu.
E chauffeur di e Edge a resulta herida, pa cual ambulance a presenta pa brind’e atencion medico. Polis a cera ambos band’i caminda pa atende cu e accidente. Polis di trafico tambe a presenta pa documenta e accidente aki. Na final DOW a tira santo riba caminda mirando cu a keda basta azeta basha riba caminda.
