Dia 29 di februari 2024 nos minister di Economia y Desaroyo Sostenibel hunto cu nos prome minister a firma un acuerdo na Brussels pa ricibi 15.3 miyon florin euro pa digitalisa “Roadmap to e-Government”.
Dia 17 di december 2020 World Economic Forum ta anuncia cu Aruba a bira e prome isla den Caribe cu ta join Common Trust Network di World Economic Forum. Tur e organisacion nan aki ta cay bao di Sustainable Development Goals. Nos gobierno a bay di acuerdo cu tur e 17 punto di agenda 2030 di Sustainable Development Goals. Prome tabata agenda 21 cu na aña 2015 a wordo adapta y a bira agenda 2030. Na aña 2015 e gobierno bao di asignatura di partido AVP a bay di acuerdo cu e 17 puntonan di Development Sustainable Goals. Partidonan cu a forma gobierno despues no solamente a confirma e acuerdo, pero ta ehecutando e puntonan di e agenda 2030.
Partido Curpa for di un tempo ta bin ta alerta riba e consecuencianan pa nos pueblo. Na prome lugar punto 5 di Sustainable Development Goals. Partido mep ni partido avp por bisa cu nan ta contra di e matrimonio di mesun sexo paso punto 5 di esta igualdad di genero. Despues di caba di legalisa e matrimonio di mesun sexo gobierno mester legalisa pedofilia tambe paso esaki ya ta e caso na Europa. For di un principio nos a bisa cu Sustainable Development Goals ta contra di e famia cu Dios a crea. E sistema aki ta tras di nos yiunan. Mayoria parlamentario lo vota na fabor di e matrimonio di mesun sexo. Nos por a tende di lider di partido AVP cu mayoria den partido AVP ta na fabor y den partido MEP ta mesun cos.
Un otro punto ta e placa cu gobierno a firma p’e na Brussel pa digitalisacion di gobierno completo. Esaki ta identidad digital caminda tur bo informacion mester aparece. Unda bo ta traha, bo rijbewijs, informacion medico, si bo ta vacuna, bo cuenta bancario. E meta tras di esaki ta pa tin un control completo riba nos poblacion. Den mesun Sustainable Development Goals ta papia di smart cities of 15 minutes cities. E direccion di Sustainable Development Goals ta pa bay riba energia berde. Esaki lo cera tur posibilidad pa tin un refineria. Nos por corda con gobierno di partido AVP a cuminsa cu e molinanan di biento y tambe solar panel. E molinanan di biento despues di 15 aña nan lo no produci coriente mas y lo no por renoba e molinanan. Auto nan cu ta core riba electricidad nan bateria tampoco lo por renoba. E baterianan ta haci mas daño na nos miedo ambiente. Unda lo bay dumpnan? E motibo pakico autonan electrico ta wordo stimula ta simpel. No ta tur hende por tin un auto y asina bo sali for di bo rayon e auto ta paga. Lo bo haya un multa tambe p’esey.
Actualmente gobierno a cuminsa pone camara tur caminda. Nan por bisa ta pa preveni criminalidad. Nos tur sa cu e meta di e camaranan aki ta pa tin mas control riba nos pueblo. E camaranan ta pa reconocemento facial y tin tur informacion di nos pueblo den dje.
Poco poco pero sigur nos pueblo lo perde su privacidad. China ta un ehempel cu asina cu bo comete un infraccion den trafico e boet ta wordo kita automaticamente for di bo cuenta bancario. E poder cu gobierno ta haya cu bo cuenta di banco por wordo blokia ki ora cu bo no ta di acuerdo cu gobierno.
Scarsedad di cuminda ta na caminda y Aruba no ta prepara p’e paso nos ta depende di exterior. Tin papia cu for di diadomingo caba na Merca lo para tur vuelo te cu dia 10 di april 2024. Esaki en conexion cu e eclipse solar. Tambe tin bisa cu e sistema di internet lo cay pa 3 dia y esaki ta haci cu bo no por swipe ni lanta placa for di bo cuenta. Ora e tempo yega nos lo haya sa y esunnan cu no ta prepara si e pasa lo tin man na cabes pero ta laat.
Ningun medio di comunicacion ta papia di e cos aki. E agenda 2030 ta un agenda satanico cu nos prome minister di partido avp y partido mep a pone nan firma bay di e acuerdo. Dios a duna nan oportunidad pa arepenti pero nos no ta mira e arepentimento mucho menos e cambio. Bon Comun ta mesun agenda 2030. Awor nos por compronde pakico nan ta contra leynan di Dios.
Partido Curpa e unico alternativa.
