Omira Coromoto, yiu d e galan di telenovela Venezolano Raul Amundaray a bisa cu e curpa di e artista ta wordo transporta pa Aruba y pa e descansa den e kelder familiar di su mama na Aruba, un sitio cu nan tabatin reserva di antemano. Amundaray a fayece dialuna ultimo na Houston, Texas.
Hopi lo puntra pakico Aruba. E ex casa di Amundaray, Omira Habibe cu kende e tin tres yiu – Raul, Omira Coromoto y Rodolfo – ta biba aki cu dos di su yiunan. Omira Coromoto ta e unico cu ta biba na Merca y cerca kende e actor tabata biba. Habibe tin un kelder unda cu Amundaray tin un espacio reserva p’e.
Omira Coromoto a declara den un entrevista na un medio di prensa: “Mi tata cu su casi 83 aña, tabata bon di salud. Dialuna ultimo, Dia di Martin Luther King, tabata un dia di fiesta na Merca y nos a caba di bolbe di un biahe di placer, hunto cu mi tres yiunan, probechando di e fin di siman largo. Yegando cas, mi tata a bisami cu e ta bay descansa un rato den su camber pasobra e ta sinti su mes cansa. Un rato despues mi a bay tira un bista y a mira cu e ta mustra basta malo, y e tabata kehando hopi, pa cual mi a yega cu urgencia un ambulance cu a transporte mesora pa hospital. Pero no por a haci nada p’e ya cu prome cu nan yega, el a fayece. Hopi aña atras el a sufri un ataca di curason na Caracas cu no a laga ningun consecuencia, pa cual nos ta pensa cu esun di e biaha aki ta debi na su edad.”
E yiu a recorda cu desde cu su tata a bin cerca, e ta hiba un bida trankil. Y e tata mes a bisa esaki den un declaracion na prensa tambe na october aña pasa: “Mi a bay Houston debi na e teribel situacion cu tin na Venezuela cu un Gobierno funesto. Mi lo no bolbe mientras cu nos no sali di e pesadiya aki. Mi tabatin un academia pa formacion di actornan y mi mester a dal e porta cera, ya cu e situacion no tabata bonmas. Pa un tempo caba mi no ta trahando na television, simplemente pasobra na e pais ey no tinproduccion, nan a stop di haci telenovela basta tempo pasa caba.”
Carera
Lista di telenovela den cual Raul Amundaray a participa den dje.
1961 Cinco destinos RCTV
1964 Historia de tres hermanas RCTV
1965 El derecho de nacer Albertico Limonta RCTV
1970 Cristina Raúl RCTV
1971 La usurpadora Daniel Bracho RCTV
1972 Sacrificio de mujer Arturo/Horacio RCTV
1973 Raquel Alberto Estévez RCTV
1975 Valentina Fernando Morante RCTV
1977 Piel de zapa RCTV
1977 Resurrección RCTV
1979 Mabel Valdez, periodista RCTV
1980 El asesinato de Delgado Chalbaud RCTV
1981 Angelito RCTV
1982 ¿Qué pasó con Jacqueline? RCTV
1982 La señorita Perdomo RCTV
1983 Chao Cristina RCTV
1985 Cristal Alejandro Ascanio RCTV
1990 Emperatriz Alejandro Magno Corona Marte Televisión
1993 Por amarte tanto Gregorio Velásquez Venevisión
1995 Dulce enemiga Antonio Andueza Venevisión
1996 El perdón de los pecados Marco Aurelio Antonioni Venevisión
1997 Todo por tu amor Daniel Venevisión
1997 Destino de mujer Artemio Ruíz Venevisión
1998 El país de las mujeres Cuenca Venevisión
1999 Cuando hay pasión Félix Manuel Escobar Venevisión
2001 Más que Amor… Frenesí Tadeo Guerrero Venevisión
2002 Las González Ubaldo Venevisión
2003 Engañada Raúl Venevisión
2005 Se solicita príncipe azul Aquiles Pérez Luna Venevisión
2006 Voltea pa’ que te enamores José Tadeo Malavé Venevisión
2008 ¿Vieja yo? José Martínez “Don Pipo” Venevisión
2010 La mujer perfecta Acompañante ocasional de “Perla” la Dama de Compañía (Eva Gomez) Venevisión
2012 Natalia del mar Monseñor Gómez Venevisión
