E parti mas amplio di e splicacion cu AZV a duna diamars mainta ta coresponde na e cifranan di cuido medico den exterior. Ademas di a presenta e resultadonan pa prome mita di 2022, tambe a haci comparacion cu añanan anterior. Director Edwin Jacobs a conta tocante e bishita cu el a haci recientemente na cuater die hospitalnan cu AZV ta traha cu ne na Colombia.
Entre e puntonan mas resaltante di e presentacion ta haya cu den 2021, e gasto total di cuido den exterior exclusivamente pa pashentnan di covid-19 a suma un total di 7.7 miyon florin, cu 82% di pashent cu ta manda pa cuido afo ta bay Colombia y cu e total di tur pais ta representa 8% di e presupuesto anual di AZV cu ta ekivalente na 34.7 miyon florin for di 400 miyon cu AZV ta gasta pa aña.
E specialismo pa cual ta manda mas tanto pashent afo, ta pa haci test cu aki na Aruba no ta posibel pasobra nos centronan medico no ta conta cu e ekipo indica. Despues di test, e grupo di mas grandi ta pa oftalmologia (wowo), sigui pa ortopedia y urologia.
Pa e relato completo, lesa TREMPAN
