Bayendo contra decision di corte riba 23 di september ultimo, ainda Edgard “Efa” Maduro no por renanuda su trabou como funcionario policial, miembro di Cuerpo Policial di Aruba. Esaki a pesar cu el a gana su caso y cu no tin motibo pa mantene na cas.
Maduro ta Hoofdagent eerste klasse na Cuerpo Policial y a keda asombra ora cu el a haya un carta e siman aki unda e reemplasante di Altocomisario ta inform’e cu ainda e ta geschors. Despues cu den e ultimo decision di corte a destrui su retiro incondicional. (23 di september. Gobernador como e instancia oficial contra kende mester a cuminsa e caso aki, no a bay den apelacion. Esaki a haci cu e decision a bira definitivo.
E schorsing du e caso en cuestion ta data di 19 di october, 2021. Te ora cu e autoridad concerni tuma un decision riba e castigo disciplinario cu mester tuma contra dje. Dia 23 di mei, 2022 a destrui e decision pa schorsing. Contra esaki no a bay den Hoger Beroep, Efa ta splica den un carta. Pues for di e momento ey no por papia mas di schorsing.
Riba dia dia 23 di september ultimo, bestuurrechter a dicidi cu un gran parti di loke ta acus’e di dje, di a viola reglanan di su trabou, no por a proba, y loke si a proba no ta asina pisa. E decision tabata cu mester dun’e un chens pa mehora.
Si analisa e decision di corte y e carta di KPA, Maduro ta bisa cu esaki ta simplemente un violacion di un decision di corte. Esaki ta ataca estado di derecho democratico di pais Aruba, mas ainda pasobra e ta bini di un organisacion manera Cuerpo Policial.
Den e carta na gobernador ta apela na e instancia aki pa vigila cu ta respeta decision di corte.
Pa relato amplio lesa TREMPAN.
