Diamars atardi Cuerpo Policial a bin masalmente aeropuerto, no pa un incidente, pero pa cumpli cu deseo di un hobencito, cu a bin for di Colombia, despues di a haci un operacion basta riesgoso di curason (open-heart surgery).
Varios agente tanto den patruya como motorisa tabata na e sala di yegada, compaña p’e altocomisario di Polis Ramon Arnhem, pa ricibi e hobencito.
Mama di e hobencito, Claudia Valencia, a conta cu e operacion dje mucha tabata un exito. Tur cos a sali bon. E operacion mes a dura 6 ora.
Pa loke ta polis, e mucha gusta polis. Aparentemente tanta dje mucha a haci tur esaki posibel, cu tabata un sorpresa p’e mama mes hunto cu e yiu.
E agentenan, hunto cu altocomisario a busca nan te paden y hunto nan a sali pafo.
Claudia a conta cu posiblemente den un futuro lo tin necesidad pa haci un operacion, esey ta depende di su crecemento y te cu aworaki tur cos ta bayendo bon.
Segun e dokternan na Colombia, tur cos ta bayendo bon y mester sigui cu su tratamentonan. E tin cu sigui bay cardiologo y por ta cu no mester di opera den futuro. Pero por ta cu si. Pero esey ta algo cu tin cu mira despues.
Reaccion di Claudia tabata un feliz, mirando su yiu asina emociona cu e por a subi riba e brommer y den e auto, algo cu nunca el a haci.
