Dialuna anochi alrededor di 9:20 pm a sosode un accidente un poco mas pabou di Huan Zhan na Montaña.
Un auto marca Nissan, modelo Sentra color blanco, numera A-65379 a bolter rib’e caminda di Boegoeroei. No ta conoci con exactamente e accidente a tuma luga ya cu e ta chauffeur so tabata den auto.
Tin indicacion cu probablemente e tabata bou influencia di un of otro substancia. E tabata keha di basta dolor, ambulance a presenta na sitio pa check un cu e otro cu ne, pero na final polis a deten’e pa sospecho di stuur auto bou influencia di alcohol.
Daño material tabata basta, takelwagen mester a bin na sitio pa hala e auto for di caminda. Na warda lo presenta e sospechoso dilanti un subfiscal, kende lo dicidi sea riba su encarcelacion of libertad.
