Ya nos conoce e cuater seleccionnan semifinalista y p’adilanti nan ta presenta dos encuentro Europeo apasionante. Sin embargo, aunke nan ta bin di e mesun continente, e cuater combinacionnan aspirante na e titulo aki no por ta mas distinto.
Francia, Belgica, Inglatera y Croacia ta presenta cualidadnan hopi diferente, y ken miho pa evalua nan cu e expertonan especial di FIFA cu ta hunto cu nan for di un comienso di e torneo? Aki nos ta presenta e vision experto riba e virtudnan principal di e cuater conhuntonan semifinalista.
Francia: Versatilidad
No ta mucho tempo pasa, a yobe critica riba Didier Deschamps pa e cualidad di e ekipo Frances, ya cu algun periodista a señala cu Les Bleus tabata tin mil cara, pero ningun reconocibel. No obstnte, ta algo cu a bira bek un atributo fundamental. Despues di a demostra su solvencia den e fase di grupo, Francia tabata briyante contra di Argentina y solido y eficas contra Uruguay. Tres seleccion distinto? No, nan ta sigui ta e mesun, pero cu sistemanan distinto.
Francia sa con pa adapta su estilo den funcion di rival, loke ta un capacidad poco comun pero hopi valioso. E sistema por varia di un 4-3-3 den un partido na un 4-2-3-1 den e siguiente, na e momento cu Deschamps eligi drenta pa saca probecho di e corpulencia di Olivier Giroud of di e velocidad di Kylian Mbappe, pa desestabilisa e defensa contrario.
Ya cu nos tabata por a comproba esaki durante e Copa Mundial aki, ya no tin oponente debil, y hasta e colosonan manera Alemania y Spaña a sufri door di a desplega nan wega. E posesion no ta garantisa victoria y e experiencia tampoco ta garantisa exito. Conta cu un bon escogencia di alternativa ta tur cos.
Belgica: Spirito di ekipo
E seleccion Belga a yega como un di e miho plantelnan, e menor den teoria y su gran papel na Rusia a yega na sirbi pa consolida valornan colectivo disciplina. Y esaki por ta nan cualidad mas importante, pasobra ta algo cu no semper tabata presente den pasado. Es mas, e seleccion Belga no a destaca precisamente pa su capacidad di adaptacion, un cualidad cu a wordo demostra cu crecemento contra di Hapon y Brasil.
Ademas, su streanan, specialmente e trio forma pa Eden Hazar, Kevin de Bruyne y Romelu Lukaku – a duna paso p’adilanti ora cu tabata necesario, pero tambe ta destaca cu ya nan ta nuebe futbolita distinti cu a marca por lo menos un gol pa e Diabelnan Cora pa loke ta e torneo. Tur ta aportando nan parti. Pa ta poco, Roberto Martinez tambe parce ta den e luga adecua y den e momento husto. El a logra haya e manera di saca e miho version di su figuranan grandi, cu mas a fit den otro y e posicion pa funciona como un ekipo. Tur e integrantenan di e ekipo Belga ta cla pa hunga, pa haci sacrificio riba veld y hasta den algun caso, pa acepta nan rol di suplente y apoya nan compañeronan.
Inglatera: Variedad
Ta hopi dificil destaca solamente un virtud di e seleccion Ingles, ya cu e muchanan di Gareh Southgate ta sigui haya mas manera nobo y diferente pa gana. Nos ta custuma con e ekipo hoben aki y den constante progresion ta uza e confiansa, un sistema moderno y e cohesion pa obtene e maximo probecho. E futbolistanan ta prepara pa afronta cualkier situacion di partido, contra cualkier rival y su gestion di e wega ta tremendamente efectivo.
Inglatera hasta a sali victorioso di su prome tanda di penal den un Copa Mundial.
Ademas, su mayor streanan a mustra tambe un actuacion fantastico: desde su keeper y salbador Jordan Pickford, te nan tralisman y maximo goleador di e competencia, Harry Kane. Y ambos cu apenas 24 aña.
Nos ta porta dilanti e seleccion Ingles mas completo for di 1990, edicion cu cual e Tres leonnan a logra e semifinalnan pa di ultimo biaha. No obstante, e ekipo, cu su metodo moderno, cu pasenshi y sereno di afronta e partidonan, ta kibrando tur forma. Inglatera ta na Rusia pa skirbi su propio storia.
Croacia: Talento riba centro di e campo
Mirando e manera cu cual nan a sobrebibi, a priori, tabata e grupo di mas complica di Rusia 2018, mescos cu e dos pruebanan extremadamente duro den e crucenan, Croacia a gana e pulso pa ta entre e miho seleccionnan di e torneo. E gran virtud di e combinacion dirigi pa Zlatko Dalic, ta, sin duda, su centro di campo, considera como un di e mihonan di e Copa Mundial. E hungadornan di linea medular Croata ta mustra di ta trankil, organisa y sereno den practicamente tur e situacionnan.
Luka Modric y Ivan Rakitic ta e asnan di Croacia. No sa ta hopi habitual pa mira dos hungado di Real Madrid y di FC Barcelona combina riba nivel asina semehante, pesey ta exactamente loke Rakitic y Modric ta haciendo den e sala di mashin di e Balcaniconan. Pero nan no ta nan so, ni mucho menos. Hunto cu nan ta briya tambe Marcelo Brozovic, di Inter di Milan, Mateo Kovacic, di Real Madrid, y Milan Badelj di Fiorentina, kendenan ta completa un generacion absolutamente fabuloso di Centro campistanan Croata.
Foto: FIFA©
