Parlamentario Robert Candelaria, hunto cu lider di AVP, Mike Eman, ta na Corsou. Nan a topa cu diferente persona, manera gobernadora di Corsou, cual ta persona tin hopi aprecio p’e.
E ta un persona cu tin un trayectoria hopi largo, tin hopi conocemento. Tambe a topa cu ex prome minister di Antias, e ultimo cual ta sra. Emily de Jongh-Elhage, kende ta un persona cu semper Aruba tabata tin hopi aprecio p’e.
Segun e parlamentario, ainda a keda di topa cu algun otro persona, manera ex prome minister Maria Liberia Peters, ex prome minister tambe Etienne Ijs, y tambe e prome minister actual, Eugene Rhuggenaath.
E idea ta pa bolbe papia cu hendenan cu partido tabata den contacto cu nan. Pueblo di Aruba tabata hopi close cu nan.
Ta topando tambe cu sra. Maria Liberia Peters y sra. Ruthmilda Larmonie, hunto cu delegacion di Boneiro, caminda cu despues sali pa Costa Rica pa un eleccion di un directiva nobo pa e organisacion ODCA, cual ta e organisacion di partidonan Cristian Democrata di e continente di Sur America, Centro America y Caribe.
ODCA awor aki cu e directiva nobo, kier logra pa den e region completo, yega na un vision nobo bek, kico Cristian Democrata ta suppose di nifica pa nos region y con por traha hunto cu otro, colabora cu otro, duna e contenido nobo aki, un realce completo.
Esey ta nifica cu a kere cu mester kere e principionan aki bek. Por mira cu e formanan di goberna den mundo completo, no na e islanan so, a yega na un punto cu hendenan ta buscando un sistema nobo, un ruta nobo y a keda cu no mester ta nobo.
Cu eleccion di directiva nobo di ODCA kier logra yega na un vision nobo bek
Cu eleccion di directiva nobo di ODCA kier logra yega na un vision nobo bek. Click e link pa mas https://24ora.tv/2WtClNG
Posted by 24ora on Monday, May 27, 2019
Loke cu tabata tin antes den liña grandi, tabata hopi bon. Esey ta nifica cu un comunidad cu ta funciona bon y ta salu. Relacionnan entre famianan, e control social cu tabata tin. E organisacionnan manera iglesia, fundacionnan, cu ta traha den un forma fuerte. Gobierno tambe tin su rol pa yuda guia y stimula esaki. Pero no ta gobierno so. No mester ta islanan riba nan mes pa funciona, pero hunto tin cu traha pa busca e bienestar di nos comunidad hunto, stimula esaki y logr’e.
AVP tin un vision nobo pa esaki, cual ta un vision nobo den un bachi bieu, cu kier dun’e un contenido nobo y hunto cu e islanan ruman, kier logra stimula esaki pa e region completo.
