Dialuna mainta Corte tabatin un sesion special relaciona cu e caso Avestruz cu ta programa pa cuminsa diaranson awo. Esaki tabata pa atende si tin algun ultimo peticion y un cambio den schedule di tratamento di e caso. Solamente abogadonan tabata presente den e sesion aki. E peticionnan tabata minimo pa cual e sesion a dura solamente un ora.
Ewald Biemans ta representa pa mr. Rudy Oomen, Franklin Abath pa mr. Maldonado, Edgar Werleman y Ninosca Nuñez pa mr. Rudy Oomen, Oslin Sevinger pa mr. David Kock y mr. Demis Illes, Reina Richardson pa mr. Suhaila Arendsz-Marchena, Maria Arends pa mr. Doris Canwood, Pieter Susebeek pa mr. David Kock y mr. Demis Illes, Carlo Mansur, Curt Douglas Harms, Frederic Every pa mr. Vito Carlo, y Mary Winterdaal pa mr. Diana Emerencia y Gabri de Hoogd.
Mr. Rudy Oomen a pidi pa scucha algun abogado, a pesar cu nan a apela riba nan “verschoningsrecht”, mr. Demis Illes a bolbe pidi pa scucha esunnan cu a traha e rapport financiero di e fundacion di Sevinger y mr. Vito Carlo kier pa agrega un abogado di Hulanda na su team. Un peticion cu a wordo rechasa caba door di Hof.
A entrega e schedule pa tratamento di e caso y e ta cuminsa diaranson pa 8.30 di mainta. Pa un relato mas amplio lesa TREMPAN su siguiente edicion.
