Corte di Prome Instancia na Aruba awe a duna su sentencia den e caso penal contra e sospechoso Jaime Trimon. Hues ta haya legalmente proba cu e acusado, durante un periodo di dos aña, a comete abuso sexual cu dos mucha muhe menor di edad. Ambos ta famia di pareha di Trimon.
Supuestamente e tabata yuda e dos mucha muhenan cu huiswerk y tabata probecha pa abusa di nan den un camber cera den e cas. Den e proceso hasta tabatin penetracion. Hues a bisa awe cu e ta kere den e denuncia di e mucha muhenan. Corte ta condena e hecho cu e acusado a mal uza su posicion pa haci e criaturanan daño ireparabel den nan desaroyo. Hues a sentencia Jaime Trimon awe cu un castigo incondicional di 5 aña di prizon.
Esaki mientras Fiscal a pidi 6 aña di prizon pa e acusado, pues Hues a baha e peticion cu 1 aña. Di otro banda Corte a condena Trimon pa e paga daño y perhuico na mama di e muchanan, balora na 5 mil florin.
