Djabièrnè 27 di ougùstùs 2021, alrededor di 01.35’or polisnan di UST durante nan patruya a topa ku tres hòmber sintá den un vehíkulo riba Rutherfordstraat. Durante un kontrol a topa ku un arma di kandela abou poné banda di e vehíkulo i den e vehíkulo un otro arma di kandela den un tas. Tambe polis a haña un saku ku mariwana den e vehíkulo. A konfiská e armanan di kandela, mariwana i e vehíkulo. Relashoná ku esaki a detené na e sitio e hòmbernan sospechoso:
V.A.R.D.B. di 18 aña di edat, J.J.D. di 19 aña di edat, U.C.M. di 19 aña di edat, tur tres nasé na Kòrsou. A presentá tur e sospechosonan dilanti un fiskal ouksiliar ku a ordená nan enkarselamentu pendiente di mas investigashon.
