Un situacion sospechoso a hala atencion di polis na warda di Shaba. A informa cu a scucha hende ta grita den e area patras di warda caminda cu tin auto staciona pero tambe caminda cu e celnan ta situa.
Esaki a tuma luga den careda di 12:00 pm ora cu a cuminsa un buskeda eybanda y a mira un vehiculo cu ta cuadra cu descripcion cu a duna na warda di Shaba. A para dicho vehiculo y aki e chauffeur femenino en berdad a confirma cu e tabata patras di e warda y tabata grita un persona cu ta deteni.
Despues di un rato a bolbe notifica cu tin mas movecion patras di warda y e biaha aki lo a scucha un hende homber ta grita patras den area di cel. No a basila cu mesora miembro di K9 team a presenta y cuminsa sondea e area. No a logra localisa ningun hende mas pero a sigura cu no lo permiti movecion sospechoso cerca di ningun warda di polis.
