Universidad Di Aruba lo tin un Open House diahuebs atardi. Como instituto educacional nan ta brinda Aruba hopi opcion den diferente direccion. Si bo kier studia finansas, marketing, ley, hospitalidad, trabao social of maneho organisacional, e universidad tin asina hopi opcion y ta habri nan porta pa comunidad bin bishita e open house. Di e forma aki bo por conoce cada facultad, programanan, docente y studiante pa asina bo haya mas informacion riba kico e instituto por brinda bo, y kico ta atrae abo.
Esaki ta ful un evento bunita cu tur facultad hunto y si bo no sa kico bo kier haci of tin pensa di bin Universidad, of siña algo mas, bo ta invita e ora pa bin e universidad riba e open house aki pa asina tuma e oportunidad di informa bo mes debidamente.
Docente, Thais Nierop ta bisa cu mirando Aruba ta depende asina hopi riba turismo, e universidad por yuda bo crece den e industria aki tambe den tur departamento. “E facultad di hospitalidad y turismo ta pone enfasis riba diferente vak cu bo mester pa por maneha un compania hopi bon. Dus si bo ta papiando di accounting, economics, marketing, human resources, nos ta yuda bo cu esey pa abo mes tin e oportunidad di crece den industria di turismo. Cumisando for di abao yega te na un nivel di gerencia,” Nierop ta splica.
E‘Open House’ ta riba diahuebs 7 di maart di 6:00 pm pa 9.00 pm.
Contenido di programa :
6:00pm – 6:30 pm: Bishita e diferente boothnan di informacion di estudio
6:30pm -7:30 pm: Prome rond. Den cada klas bo por atende un sesion di informacion di e programa di bo escogencia.
7:30pm – 8:00 pm: Un pausa cortico pa tuma un koffie of socialisa cu e studiante- y profesornan.
8:00pm – 9:00 pm: Un di dos rond di informacion di e programanan cu nos ta ofrece na UA.
