Despues di a pasa cinco pomp y hitnan cu full tank, awo e pompnan di gasolin a cuminsa pega potret di Alaska cu nunca mas a bin paga.
Riba su pagina di FB bou nomber di Jesse Larmonie e ta bay live cada rato comosifuera esey lo yuda stroba su detencion cu lo ta cualkier momento. E ta trata di hustifica su mes y ataca tur e trahadonan di pomp y 24ora. Den e caso aki ningun di esnan cu e ta ataca tin miedo di dje. Boca grandi riba FB no ta bay yud’e na nada y no lo spanta ningun hende. Bunita show si yena cu palabranan vulgar di un mama cu hasta ta hiba su yiu menor ora e bay haci e tipo di cosnan di sinberguensa.
Unico carchi di banco di Hulanda cu no ta pasa na Aruba ta esun di Alaska. Por confirma cu na cada pomp cu el a pasa y laga debe, nunca mas el a bolbe pa cumpli cu e debe habri.
Di San Nicolas el a pasa Citgo Esso Ville, Citgo San Nicolas, Citgo Cura Cabay. Na Playa a pasa Citgo Blvd y Citgo Oranjestad. Cinco pomp di gasolin Alaska a keda debe.
Poco hende cu mesun mentalidad cu Alaska ta defende tambe. Laga cu ta nan negoshi, kizas nan pensamento ta na e banda corecto. Ademas Alaska a perhudica e trahadonan di cinco pomp cu mester a paga e suma for di nan salario. Echt un muhe abusado cu ta bin di Hulanda y kier biba na grandi sin placa. Nos tin un deber como plataforma cu ta duna informa pa habri wowo di tur esnan cu ainda no a bira victima di Alaska.
Na Nani Pan el a causa destruccion y nunca mas a bin regla cuenta. Awo cu tur su berdad a sali na cla, tur esnan cu el a hit a reacciona. Nan no a reacciona solamente. Nan a bay denuncia Jesse Larmonie conoci como Alaska y esey nifica cu autoridad lo tira man riba dje cualkier momento.
Un di e pompnan hasta a skirbi riba su frenta cu e debenan placa. Ni maske cuanto payasada Alaska haci riba su Facebook, e no lo sali for di e problema aki si e no bay paga su debenan na cinco diferente pomp.
Danki Dios un di e companianan a lansa e prome advertencia y asina mas pomp tambe a reacciona y saca e berdad pa evita mas victima.
