E dianan di vacation di pasco grandi ta yegando y grandi y chikito ta cla pa celebra esaki. Coney Island Interpark a tene cuenta cu e gran demanda y interes di nos comunidad, cu ainda kier bishita e parke prome cu e bandona nos isla y a dicidi di cumpli cu e peticion aki. Coney Island Interpark ta ahusta su orarionan durante di vakantie.
Durante vakantie di pasco grandi Coney Island ta anuncia cu e parke di diversion lo ta habri TUR DIA for di Diahuebs 29 di Maart 2018 te cu 8 di April 2018. Aunke cu scolnan ta di vacation, Coney Island Interpark si lo habri pa asina nos muchanan y nan mayornan por pasa gosa y haci algo differente durante e temporada di vakantie. Banda di esaki, e temporada lo ta uno extra special mirando cu bo por cumpra bo BANCHI di solamente 35 Florin y haci uso di tur e attractionnan den e parke.
No ta keda nada otro pa invita pueblo di Aruba henter pa probecha di e dianan nos dilanti di vacation. Coney Island awor si ta den su ultimo simannan na Aruba y no kier pa abo lamenta di no a pasa gosa di e ciudad di diversion. E parke ta habri su portanan ya caba for di 6or di atardi y ta invitabo pasa pronto den e dianan di vacation pa bo no keda afo
