Cu urgencia diferente unidad di polis a presenta na Brazil Food Center na momento cu propietario a bati alarma di atraco. Un susto grandi e victima a pasa aden na momento cu e dos personanan aki a pretende di ta studiante di un scol den vecindario. Nan tabata tin camisa di scol SPO bisti na momento cu a drenta y atraca e food center.
Esaki a pasa den careda di 12:30 pm na Brazil Food Center, ora cu un testigo cu a regresa e tienda pa haci un cambio riba un mercancia y a topa cara cara cu e dos atracadonan aki na momento cu nan a sali na careda for di sitio. A duna un discripcion igualmente cu e victima den e food center. El a indica cu tabata trata di dos persona di entre mas of menos 20 pa 30 aña di edad, uniforma cu camisa di scol SPO.
Tambe a indica cu un di nan ta bisti cu jeans color scur, muts preto y camisa shinishi, mientras e otro ta cu un hoodie blau scur y jeans cla. Un buskeda grandi a cuminda cu diferente unidad policial den e area.
