Entre dia 26 pa 28 di October 2017 lo tuma lugar pa di tres aña e conferencia unico di tecnologia y innovacion, ATECH organisa pa profesionalnan local. E evento lo enfoca riba importancia di tecnologia den negoshi y bida diario pa un empresario.
Varios compania na Aruba a inverti den nan empleadonan pa 3 dia di inspiracion, workshops y ‘learning’. ATECH atrobe lo trece varios orador y inversionistanan internacional manera John Henry di Harlem Capital Partners, Justin Hallsal di IBM y Rosabell Illis, un profesional y artista local, pa forma parti di ATECH Conference 2017.
Empleadonan lo conoce e ‘latest trends’ mundial den marketing, blockchain, internet of things, coding, e-commerce y mucho mas via varios workshops y break-out sessions.
Segun un estudio haci door di Gallup Research, a resulta cu companianan cu dicidi di inverti den desaroyo di nan empleadonan, cu e chens ta mas grandi cu nan lo keda fiel na e compania pa gran parti di nan carera profesional. Compania cu ta haci esaki cu frecuencia, ta companianan cu ta wordo renombra den e lista di Fortune’s ‘Best Companies To Work for List’ manera Google, Cisco y Adobe.
ATECH Conference sigur lo bay ta un evento pa tur esunnan cu kier sa kico ta e ultimo trends den tecnologia, innovacion, transformacion digital, pero tambe cu kier wordo inspira.
Pa mas informacion tocante ATECH y nan Corporate Group Discount, manda un e-mail na [email protected] Por sigui ATECH ariba www.facebook.com/ATECHConference of por download e app di ATECH riba iTunes y Google Play gratis.
