Diahuebs atardi comision di prins y pancho bou di presidencia di Lyonel Dirksz hunto cu miembronan di comision Derlina Kock, Ghislaine Koeiman y Xavier Maduro a tene un reunion cu tur esnan cu tin e interes di mira cierto cambionan pa sigui engrandece e eleccion di prins y pancho infantil, hubenil y grandi.
Durante e encuentro hopi placentero a delibera riba diferente puntonan di regla y husgamento di hurado, hunto a yega na un conclusion di adaptacion di reglnan y husgamento pa eleccion 2019.
Mirando cu cada carnaval di lustro ta bin e categoria di Prins der Prinsen, SMAC ta evaluando si ta continua cu e categoria aki, tur cos ta depende si pa dia 20 December haya minimo 5 pareha inscirbi oficialmente.
Prins y pancho ta e prome eleccion di Carnaval, SMAC ta haci un yamada na tur organisacion, scolnan basico, secundario pa inscribi.
Premionan ta cash, y SMAC ta encarga pa bo haya tela pa cose bo traha Carnavalesco, pa coach tambe tin un premio cash.
Pa mas informacion por contact facebook page prins y pancho Aruba of miembronan di comision.