E gobiernonan di Colombia y Reino Hulandes a subscribi seis instrumento den e marco di e bishita oficial di e Prome Minister di Reino di Hulanda, Mark Rutte, kende diahuebs a wordo ricibi pa Presidente Ivan Duque Marquez den Casa de Nariño.
E Hefe di Estado Colombiano y e Prome Minister di Hulanda a sostene, inicialmente, un encuentro priva. Posteriormente, tabata tin un sesion unda cu e dos delegacionnan a participa.
Na final di e reunion amplia, a produci e firma di e acuerdonan di cooperacion den educacion, salud rural y publico, maneho di awa y saneamento basico, entre otro temanan, durante cual e Mandatario Colombiano y e Prome Minister tabata testigo.
E acuerdonan firma ta:
- Convenio Marco Special di Cooperacion entre e Servicio Nacional di Aprendisahe (Sena) y Shipping & Transport College Group (STC Group).
E obhetivo ta genera transferencia di conocemento y bon practica, cu lo fortalece e red di conocemento den logistica y transporte di Sena den e asnan tematico relaciona cu logistica y terminalnan portuario, transporte fluvial, transporte terestre di trein y transporte terestre caretero.
E firmanan di e convenio tabata a cargo di e Director General di e Servicio Nacional di Aprendisahe (Sena), Carlos Mario Estrada y e Director General STC-Group Holding BV, Alberto Bos.
- Memorandum di Entendimento (MoU) entre e Instituto Colombiano di Credito Educativo y Estudionan Tecnico den Exterior (Icetex) y Stichting Nuffic.
Busca establece un aliansa strategico pa facilita e cooperacion y mehora e calidad di educacion y formacion superior, tecnico y profesional na Colombia y Hulanda.
E MoU a wordo firma pa e Presidente di Icetex, Manuel Acevedo Jaramillo y pa e Gerente di e Programa NUFFIC pa Colombia, Jolie Franke.
- Plan di Trabao Renova Deriva di e Convenio Complementario di Cooperacion di Salud Actualisa e Plan di Trabao (2015).
Su finalidad ta inclui temanan di salud rural, fortalecimento di salud publico, talento humano y sostenibilidad financiero.
E documento a wordo firma pa e Secretario General di e Minister di salud y Proteccion Social di Colombia, Gerardo Burgos Bernal y e Viceminister di Salud Bienestar y Deporte di Hulanda, Erik Gerritsen.
- Letter of Intent entre e gobierno di Colombia, Instituto Colombiano Agropecuario (ICA), Instituto Nacional di Vigilancia di Medicamento y Alimento (Invima) y e Autoridad pa Siguridad di Consumidor y e Productonan di Consumo di Hulanda di e Ministerio di Agricultura, Naturalesa y Calidad di Alimento di Reino Hulandes den certificacion electronico.
Ta apunta na promove conhuntamente e facilitacion digital di comercio di e productonan di origen animal y vegetal, incluyendo e destinadonan na consumo humano y animal.
E acuerdo a wordo firma pa e Gerente General di ICA, Deyanira Barrero, e Director di Alimento y Bebida di Invima, encargado di e funcionnan di Director General di Invima, Carlos Alberto Robles y e Minister di Agricultura, Naturalesa y Calidad di Alimento di Hulanda, Carola Schuten.
- MoU Plan di trabao – Gobierno di Hulanda y e Ministerio di Vivienda Ciudad y Teritorio di Colombia.
Lo impulsa e entendimento riba politica, formanan di administracion y tecnologianan di maneho di awa y saneamento basico, por medio di cooperacion entre e ministerio, industria, gruponan consultativo y instruccionnan di ambos parti.
E firmamento a wordo haci pa e minister di Vivienda, Ciudad y Teritorio di Colombia, Jonathan Malagon y e Embahador di Reino di Hulanda na Colombia, Jeroen Roodenburg.
- Marco General pa negociacion di un acuerdo di Alcance Parcial entre Corsou y Colombia
Lo establece e Marco General pa e desaroyo di negociacion di un Acuerdo di Alcance Parcial entre ambos pais.
E instrumento aki a wordo firma pa e Ministerio di Comercio, Industria y Turismo, Jose Manuel Restrepo y e Minister di Desaroyo Economico di Corsou, Ivan Steven Martina.
Incremento di posibilidadnan
Encuanto e convenio firma, presidente di Icetex, Manuel Acevedo a indica cu “e ta fortalece e capacidad di e hobennan Colombiano pa sigui studia nan postgrado den Reino Hulandes.”
El a splica cu “Icetex ta funciona como operador hunto cu e agencia Hulandes cu yama Nuffic y esaki ta aumenta e posibilidadnan di formacion na nivel di postgrado pa Colombia.”
Temanan manera Economia Orange y proteccion ambiental ta e gran enfoke di e programanan aki, Acevedo a agrega.
Mayor eficiencia
Di su parti, director di Sena, Carlos Mario Estrada a afirma cu e instrumento firma, lo permiti Sena, por ehempel, pa certifica den normanan internacional su ambientenan formativo.
“E convenio basicamente ta mara na e logistica di transporte maritimo, aereo, di trein, fluvial. Esey tambe lo bay permiti pa profesionalnan di transporte Hulandes bin pa capacita nos instructornan,” el a declara.
El a manifesta cu una bes cu e instructornan di Sena ta capacita, nan lo por capacita e empresarionan di transporte Colombiano, loke lo redunda den mayor eficiencia den e sector.
Cobertura Powered by Compra Ltd. & Romar Trading N.V.
