Diadomingo mainta a bin encontra cuater curpa den estado di descomposicion ta drief den awa di e playanan di Bahia Honda, na Alta Guajira. A saca nan fo’i awa y trece nan canto, mientras ta warda e autoridadnan yega pa realisa e transporte y identificacion di esakinan como tambe determina causa di morto.
Segun version di varios testigo, e victimanan ta parce di ta masculino y tabatin nan cara desfigura debi na e tempo prolonga cu nan tabata den awa. Nan estado di descomposicion tabata obheto di alimento di e animalnan marino. E hipotesis tocante e morto di e cuater personanan aki ta draai rond di un posibel sinkmento di un boto di turista cu ta sali desde e zona ey cu destino pa e islanan den Caribe.
