Colegio Santa Teresita tambe a tene nan celebracion pa Dia di Rey. Mayoria di alumno di klas 1 te cu 6 a participa n’e weganan. Kisha Phillips ta docente di Movecion y Salud, el a conta cu esaki ta e prome aña cu e ta organiza un evento pa ful e scol. Hunto cu otro colega a prepara e weganan y a hinca tur cos den otro. Phillips a conta cu tur cos a bay bon, por lo menos 130 alumno a participa.
A enfoca riba wega cu mester traha hunto, manera por ehempel e wega di bula den saco. Tambe a alumnonan mester a traha un toren. A haci esaki pa wak con nan ta traha cu otro y alabes yuda otro.
Na final, Kisha Phillips a menciona cu e meta di tur esaki ta p’e muchanan sa cu un bida activo ta un bida saludabel. Durante e evento por a wak con e muchanan tabata yuda otro, esaki tabata hopi importante. Tambe a gradici tur colega di scol cu a yuda pa e evento. Por spera mas actividad di e scol.
