“Sindicato SIMAR, representa pa su Presidente y Tesorero, ta actualmente na Hulanda, pa reuni cu e.o. sindicato nan di ensañensa hulandes y inspeccion di enseñenza hulandes. Durante nan bishita na Hulanda nan a uni na e demostracion dia 30 y 31 di januari 2020. E delegacion di Aruba a para solidario cu su coleganan hulandes. Esaki ta ilustra den e potretnan.
Ayera 30 di Januari 2020, Sindicatonan di enseñansa hulandes a haci un demostracion masal. Maestronan a atende e demostracion den forma masal, den forma di union total di e diferente sindicatonan di ensañansa hulandes.
Ensañansa na Hulanda ta enfrenta problemanan inmenso, cu mester atencion inmediato. No tin suficiente maestro den diferente region na Hulanda, no tin maestro suplente ora un maestro no por ta presente pa motibo di salud of di otro caracter. Alumnonan mester bay cas y ta perde les pa falta di maestro.
E presion di trabou continuamente creciente ta haci cu e maestro constantemente ta cay afo pa motibo di salud y den caso nan mas severo, pa motivo di “stress” ta keda pa periodo largo sin por funciona, etc.
Aunke Minister di ensañensa, Sr. Arie Slob, ta trata di compensa e situacion di e maestro den un forma financiero, no ta mira e gravedad di e situacion.
E delegacion di Aruba lo busca y compila e informacion necesario pa compara y evalua con e situacion di Hulanda ta compara esaki cu esun di e ensañansa na Aruba”.
