Tin mas cu 300 persona cu ta bay na FAVI, pa asina nan haya nan actividadnan y tambe capacita nan pa nan bira mas independiente, apesar di nan deficiencia visual.
Danie Boekhoudt, di 28 aña ta un cliente di FAVI, pa algun aña e ta visualmente incapacita. Pero esey no a strobe cu nada. El a splica cu e ta un cambio di bida. E no ta un cambio facil, pero si bo kier logra algo den bida, bo tin cu acept’e y custumbra cun’e. E ora bo ta biba un bida trankilo.
A drenta den e periodo di accion pa Donacion, cual ta hopi importante pa e clientenan di FAVI, pasobra sin e donacion nan actividad no por tuma luga. Boekhoudt ta hopi gradicido na FAVI, pasobra nan a brind’e varios oportunidad den su bida. Por ehempel e por ta mas independiente. El a tuma blindtypen y tambe a haci blindkoken. El a haya su certificado pa esakinan. Tambe el a haya un paar di seminario y tayer di telefon, cu awe e ta un persona full indpendiente cu e por haci tur su cosnan riba su mes.
Entre otro e por Whatsapp, traha riba Facebook, bay riba Youtube y mucho mas.
El a haci’e asina independiente, cu ora e bay un caminda, e no ta depende mucho riba un persona. E ta manda entre otro location, e por saca potret y e telefon ta bis’e kico e ta bezig ta haci. Pa esey e ta hopi gradicido na FAVI cu el a drenta den e periodo di Accion pa Donaccion, pasobra nan como cliente ta depende riba esaki.
