Diahuebs pa mas o menos 5:00am, un homber lomba sunu y cu cara tapa a yega na e tienda “Love and Paradise” situa den Antraco Mall riba L.G. Smith Boulevard. El a purba kibra e porta cu un baranca, a skop y purba forsa e porta pero no a logra. Polis ta investigando e caso aki. Camara di siguridad ta mustra con e “cliente” aki lo tabata asina interesa pa “cumpra” den e tienda di momento, hasta den oranan di marduga. Si bo ta reconoce e individuo aki, informa Polis.
